Page
Retour
Yannick LARVOR, Maer Plourac'h.
« An dud glev -Hag an dud a lar », evit se zo brud vat gant ostaleri
Yannick Larvor, tavamour-keginer-kaner-soner ha maer Plourac'h.
«
Me zo bet dalc'hmat e Plourac'h ». Er skol e oa bet e Lamballe evit
bezan mekanisian. Met ne oa ket aet war ar vicher-se a-benn ar fin. Da
naontek vloaz, e 1984, en doa kemeret ostaleri ar vourc'h warlerc'h e
dud-kozh. Goude se en doa prenet un ti en tu all d'ar ru evit ober ur
sal evit ar predoù. Tri fred a ra bep sizhun tamnn pe damm. « Predoù
familh. Tud a ta gant otokarrioù, tud eus Brei-zh ». Daouzek mil bep
bloaz. Kement-se a dud o tont d'ur barrez vihan Hervez Yannick eo
peogwir e vez o c'haloupat abaoe 33 bloaz evit sonie ha kanan er
festoù-noz. « An dud a glev hag an dud a lar. Me 'meus anavezet kalz
tud. An dud 'teu da zebrin aman. Ha me 'lak anezho da zatisal gant ma
akordeons. Se 'blij d'an dud », eme Yannick.
Karrer
eo abaoe pell, da gentan gant Annie Ebrel. « Annie 'oa komenset da guan
ganin e miz Ebrel 1984, betek 1987. Goude 'oan en em lakaet da c'hoari
akordeons ». Gant al Lapoused-noz. Hag e ra bepred.
Plourac'h
Plourac'h
zo e Treger. Met stag eo bet ouzh Eskopti Kemper. Er pemzekvet kantved,
war goulenn tad Anna Vreizh, François II, e oa bet savet iliz
Plourac'h, lesanvet « lliz-veur an Argoad ». « E 1457 e oa komanset,
hag echuet er seitekvet kantved ». War-dro 440 den zo o chom e
Plourac'h, gant tregont feurm. Ur skol zo asambles gant Karnoed ha
Pluskelleg. « Me zo maer abaoe 2001 ». Ha gantan e vez fardet ar boued
en e ostaleri.
Labour
zo neuze, ha gant e labour maer ivez. Ret eo komz gant an dud. « Ret eo
selaou an dud, aesari ingalan an traoù », pa vez traoù da blaenaat. «
Ha ret eo ober eus ar gwellan gant an arc'hant zo ». N'eo ket pinvidik
kumun Plourac'h, met n'eo ket paour ivez. N'eus ket bet sachet dle war
ar barrez, eme Yannick. Ha ne vez ket graet politikerezh e ti-kêr
Plourac'h. Pep hini en deus e sonj, met kemeret e vez an dud evel
m'emaint, sed pezh a lavar ar maer.
Kement korn
Ar
maer a rank bezan sklaer gant an dud en ur gumun vihan evel Plourac'h.
« Ret eo dit kaout koustians eus ar garg 'peus. Fiziet 'vez ennon ren
ar barrez evel zo dleet ». Sikouret e vez gant ar c'huzul-kêr hag ivez
gant ar fed e anavez mat ar gumun. « Me zo bet o chom ba Plourac'h
dalc'hmat. Bez 'meus d'aber gant an dud bemdez. Ret eo bezan soubl, pas
kemer an traoù war an tu fall ». Ouzhpenn anavezout kement korn, kement
gwenodenn ha kement park zo er barrez, e vez o terc'hel ostaleri
Plourac'h, ha dre se e anavez mat an dud ha karakter an dud ivez.
Hag
evit chengh un tammig e plij dezhan ober muzik ha kanan evit avelin e
benn ha mont kuit diouzh kanton Kal-lag. Ouzhpenn c'hwec'h mil den zo o
chom en unnek kumun zo e kumuniezh kumunioù Kallag-Argoad. Marteze e vo
ezhomm brasaat ar gumuniezh kumunioù ma vez chenchet al lezenn. Hag
evel ma lavar ar c'haner : « Ret 'vo dansal gant ar re 'no c'hoant da
zansal ganeomp ». Gilles Pennec.
Lexique
Dle : dettes.
Kumuniezh kumunioù : communauté de communes.
Lezenn : loi.
E galleg, en français
Yannick
Larvor, 49 ans, maire de Plourac'h (22), une petite commune entre
Trégor et Cornouaille, dans la communauté de communes Callac-Argoat,
tient le bar-tabac et restaurant du bourg. Il n'hésite pas lors de
repas, après être passé aux fourneaux, à sortir son accordéon et
pousser la chansonnette. Il fait partie des Lapoused Noz qui
fréquentent les festoù-noz depuis 30 ans. Plourac'h possède une église
classée du XV°siècle, surnommée « la cathédrale de l’Argoat »
Ur video gant Yannick a c'heller gwelet war lec'hienn internat Skol Vreizh.
L’Écho de L’Armor et de l’Argoat- 1er octobre 2014
